Húsfeðraorlof

Ekki það að ég hafi endilega átt það skilið, ég á bara svona góða konu, en við fórum þrír félagar, kokkar og rallýgrúbbíur nr 1 á Ísbjarnaslóðir í Skagafirði.

Lögðum af stað á föstudegi og lentum á Króknum seint um kveld. Skoðuðum innanbæjarleiðina og fundum okkur góðan stað til að slefa yfir bílunum sem framhjá þjóta og taka nokkrar myndir í leiðinni.

Eldsnemma á laugardagsmorgni var risið á fætur og haldið upp í Mælifellsdal í leit af Rallýbílum en þeir keyrðu fjórum sinnum um dalinn. Á fyrstu leið var haldið á frægan stað í lok leiðar þar sem bílarnir eiga það til að fljúga yfir hæðir. Það var rétt því tilþrifin voru með eindæmum. 

Þegar allir bílarnir höfðu keyrt framhjá var fundinn nýr staður til að mynda og næst var það hlið sem tekið var í nokkuð krappri beigju. Aðal tilþrif dagsins voru þó á innanbæjarleiðinni en það var stutt leið um grifjur og þrönga vegji fyrir ofan bæjinn.

Eftir mjög sólríkan og rykugan dag hvar haldið í sund á Hólum til að þrífa af sér skítinn en þegar við vorum á leiðinni ofan í kom til okkar drengur og tilkynnti okkur að það væri lokað. Skrítið hvernig þetta er í sveitinni en við heimtuðum samt okkar baðtíma enda kom ekki til greina að fara fyrr en allavega helmingur af þreittunni væri liðinn úr kroppnum og brjálaði krakkinn sem öskraði úr sér lungun væri farinn úr klefanum.

Eftir góðan grillmat sem endaði sem pönnusteiktur eftir að kviknaði í grillinu og kútnum var haldið í Grettislaug sem er heit náttúruleg laug þar sem við svömluðum fram yfir miðnætti.

Frábær helgi í góðra vina hópi og hver veit nema þetta verði árlegur viðburður.

Verð svo að nota tækifærið og óska Ástu og Steinunni til hamingju með nýtt og flott útlit á nýja bílnum. Snilld.

Fleiri myndir er að finna hér:

Flickerinn minn: http://www.flickr.com/photos/elvarorn/sets/72157603018171803/

Valdi og Ingi www.valdi.is

Pétur og heimir: http://rally.blog.is/blog/rally/

Kjartan og Óli Þór: www.kappakstur.com